 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Цябе няма. I раптам ты са мной.
Вясёлы сьмех і голас з цёплай ноткай.
I я з табой у сфэры незямной
Ужо ляту ў хмялёвасьці салодкай.
Цудоўны сон. А досьвіткам я ўстаў,
I цэлы дзень душа ў трывозе млее.
I памяць зноў згадала ціхі стаў,
Дзе расьцьвілі ласкавыя лілеі.
Цьвітуць, цьвітуць гарлачыкі ў вадзе,
I качкі там нырцуюць ля чароту.
Няўжо мой лёс самоту прывядзе?
Няўжо няма дадому павароту?
Я не магу да любае прыйсьці.
Няма цябе, як радасьці вясновай.
Пачну сьпяваць, каб сонечна ў жыцьці
Было табе і мне пад песьняй новай.
Найлепшы час абое мы прысьнiм,
I шчасьце ў нас – на добрых аргумэнтах.
З табой цяпер мы блізкія зусім,
Хоць і жывем на розных кантынэнтах.
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
